Мектеп кітапханасы
![]() |
Телефоны: 8-714-54-56-94 E-mail: Кітапхана меңгерушісі : Кабдулина С. У. Инстаграмм: @altynsarinmektebikitap Жұмыс уақыты: 09.00 – 18.00 (түскі үзіліс 13.00 – 14.00) Демалыс күні: сенбі, жексенбі |
Қ і т а п қ о р ы
|
|
✔Зияткерлік мектептердегі оқушыларға оқуға ұсынылған «100 кітап» жобасы қазақтың тарихын, туған жердің мәдениетін, үштілділікті, сонымен қатар, басқа ұлттардың мәдениетіне толеранттылықпен қарауды қазақ, орыс, ағылшын тіліндегі көркем шығармалар арқылы ұғындыруға бағытталған. Жобаның мақсаты: түрлі әрекеттер арқылы кітапқа деген сүйіспеншілікті, оқуды арттыру. «Назарбаев Зияткерлік мектептері» ДББҰ бастамасымен 100 кітаптың тізімі даярланып, Назарбаев Зияткерлік мектептеріне оқушылардың оқуға тиісті танымал қазақ классикалық әдебиетінің 60 шығармасы мен әлемдік әдебиеттің іну-маржандары саналатын 40 шығарма ұсынылды. Әр шығарма өзі жазылған түпнұсқа тілде оқуға ұсынылады. Оқуға кеңес береміз. Оқушыларға өз бетінше оқуға ұсынылатын тарих, мәдениет және әдебиет бойынша “100 кітап” тізбесі
✔ READx – оқи отырып, өзіне жаңа мәліметтер алған, жаңалықтар ашқан қызықты адамдардың адамдарға шабыт сыйлар көпшілік алдындағы сөзі. Кітап оқудың арқасындағы бұл ашылулар көпшілікке таратуға болатындай тәжірибе. READx сөйлеушілерінің білімі мен тәжірибесі олар туралы көпшіліктің білуіне тұрарлық еңбек.
✔ Bookcrossing – «21 ғасыр – білім мен ғылымның ғасыры болады» деп Елбасымыз айтқандай, оқушыларымыз заман талабына сай білімді, көзі ашық, көкірегі ояу болуы қажет. Осындай қажеттілікке сай 2017-2018 оқу жылында мектеп-интернаты ғимаратының екінші қабат холында салтанатты түрде оқушылар, ұстаздар, ата-аналар қатысуымен Буккроссинг акциясы ұйымдастырылды. Бұл мәдени шараның мақсаты: көркем әдебиеттердің оқылымнан шығып қалмай, өз оқырманын табуына ықпал ету, оқушылардың кітап оқуға деген сүйіспеншілігін арттыру. Буккроссингтің басты принципі: «Ал. Оқы. Қайтар.».
✔ Оқуға құштар мектеп – Мемлекет басшысы Қасым Жомарт Тоқаевтың тапсырмасы аясында Қазақстан Республикасы Білім және ғылым министрлігі білім саласында «Оқуға құштар мектеп» жобасын қолға алған болатын. Осы бағдарламаны іске асыру мақсатында мектебімізде 5 жылға арналған жоспар құрылды. Жобаның мақсаты: Білім алушылардың, педагогтердің, ата-аналардың, оқушылардың оқуға құштарлығын арттыру; ата-аналарды балаларының кітап оқуға белсенділігін қолдау, оларға отбасылық бос уақыттарын кітап оқу ортасына айналдырып, рухани қарым-қатынас жасауға көмек көрсету; отбасылық кітап оқу дәстүрлерін жандандыру.
✔ 20 минуттық оқу – 2021-2022 оқу жылын бастап «Оқуға құштар мектеп» жобасы бойынша мектепте әр сейсенбі сайын «20 минуттық кітап оқу» акциясы ұйымдастырылды. Үзіліс кезінде балалар 8.05-те жоба бойынша «100 кітап» тізіміне кірген кітаптарды оқуы тиіс. Оқушылар оқыған кітаптары туралы эссе жазады, бейнебаяндар жасайды, кіші сыныптар оқыған кітаптарының кейіпкерлеріне сурет сала алады. Әр тоқсанның соңында нәтижелер бойынша үздік сыныптар мен белсенді оқушылар грамоталарымен марапатталады.
|
|