Кәсіптік бағдар беру негізінде қаламыздағы ПБ ЖПҚБ ЮПБ кәмелетке толмағандар ісі жөніндегі учаскелік инспекторы, полиция лейтенанты Бисимбаева Маржангуль Бауржановна мен мектеп инспекторы Бейсенова Асем Бахиткиреевна 11-сынып оқушыларымен кездесу өткізді.
Кездесу барысында оқушыларға Қазақстан Республикасы Ішкі істер министрлігінің Мақан Есболатов атындағы Алматы академиясы, Бәрімбек Бейсенов атындағы Қарағанды академиясы, Шырақбек Қабылбаев атындағы Қостанай академиясы туралы жан-жақты мағлұмат берілді. ҚР ІІМ Ш.Қабылбаев атындағы Қостанай академиясының түлегі Б.М. Бауржановна өзі бітірген академия тарихымен оқушыларды таныстыра отыра, оқуға қабылдау шарттары мен оқытудың артықшылықтары туралы түсіндіріп, қойылған сұрақтарға жауап берді.
