Қостанай қаласы Төтенше жағдайлар басқармасы Бас маманы азаматтық қорғау капитаны – Жаншурин Нұрсұлтан Тұрсынбекұлы мен инженері, азаматтық қорғау лейтенанты – Каукен Ғасырбек Ардақұлы мектеп оқушыларымен кездесу ұйымдастырды.
Кездесу барысында төтенше жағдайлардың алдын-алу, оның ішінде өрт туындаған кездегі орындалатын іс-әрекеттер, тұрғын үйлердегі өрт қауіпсіздік ережелері мен мұздағы сақтық шаралары, жүріс-тұрыс ережелері туралы оқушыларға түсіндіру жұмыстары жүргізілді. Төтенше жағдайдағы әрекеттер туралы оқушыларға жадынамалар таратылып, әр оқушының қауіпсіздік ережесін қатаң түрде сақтаулары ескертілді.
