Кәсіптік бағдар беру аясында «А.Байтұрсынов атындағы Қостанай өңірлік университеті», П.Чужинов атындағы экономика және құқық институты, Психология кафедрасының аға оқытушысы – Рахматулина Аина Руслановна 11-сынып оқушыларымен кездесу өткізді. Кездесу барысында «Психолог» мамандығы жайында кеңінен түсінік беріліп, оқушылармен пікір алмасу жүзеге асты.
Психолог – бірегей сұранысқа ие еңбек нарығындағы мамандық, әртүрлі ұйымдарда жұмыс істеуге мүмкіндік береді. Психологтың кәсіби қызметі әртүрлі әлеуметтік салаларда жұмыс істеу және оқыту процесінде адамдарды психологиялық қолдауға, оқушылардың, мұғалімдердің, ата-аналардың және т. б. өміріндегі қиындықтар мен проблемаларды анықтауға бағытталған.
«А.Байтұрсынов атындағы Қостанай өңірлік университеті», П.Чужинов атындағы экономика және құқық институты, Психология кафедрасы 6В03101 - "Психология" ББ мамандарын орыс және қазақ тілдерінде шығарады. Түлектер адам өмірінің барлық салаларында жұмыс істей алады, өйткені адам қайда болса, психология да бар.
"Психология" мамандығы бойынша оқыту тәжірибеге бағытталған. Студенттер жыл сайын кәсіби практикадан өтеді және ішінара өндірісте (кафедра филиалдарының базасында) оқиды.
Кәсіптік қызмет объектілері: меншік нысанына және ведомстволық бағыныстылығына қарамастан барлық үлгідегі және түрдегі білім беру ұйымдары; өндірістік кәсіпорындар мен бизнес ұйымдары; құқық қорғау органдары мен пенитенциарлық мекемелер, оңалту және әлеуметтік бейімдеу орталықтары; спорттық және шығармашылық ұйымдар; денсаулық сақтау ұйымдары; қалалық және республикалық әлеуметтік қызметтер, жұмыспен қамту орталықтары; қоғамдық пікір мен саяси технологияларды зерттеу орталықтары.
