Жас мамандар апталығының ашылуы туралы ақпарат
2023 жылдың 2 мамырында Қостанай облысы әкімдігі білім басқармасының «Ы.Алтынсарин атындағы мамандандырылған мектеп-гимназия интернатында» КММ «ЖАС STAR – жарқын болашақ иесі» атты жас мамандар апталығының ашылу салтанаты өтті.
Жастар апталығының мақсаты: Жас мұғалімдердің заманауи талапқа сай шығармашылық білімін практикада қолдану аясын саралау және ерекшеліктеріне назар аудару арқылы мұғалім беделінің жоғарылауына жол ашу.
Апталықтың ашылуы мектеп дәлізінде 08:00 басталды. Мектеп ұжымы арнайы жасалған «жұлдызнаманы» тыңдап, «Сиқырлы QR кодтар» таңдап, сол арқылы кішігірім сыйлықтарға ие болып жақсы көңіл күймен өз күндерін бастады.
Апталық барысында:
- «Сиқырлы QR код»
- Мұғалімдерге арналған «Мобилография» шебер-сыныбы
- «Жүйрік болсаң, озып көр!» квест ойыны
- «COLOUR party» салтанатты жиыны өткізіледі.
Күтілетін нәтиже: Жас мамандардың кәсіби және жеке дамуын ынталандыру, мектептің нәтижелерге жетуіне өз үлестерін қосуға көмектесу.
Апталықты қорытындылау мен марапаттау рәсімі 04.05.2023 ж. Рәсім залында өткізіледі.
