Мектебіміздің намысын қорғайтын Халықаралық және Республикалық ғылыми жобаға қатысатын 11-сынып оқушыларымен «Табысқа жету формуласы: Сабырлылық – Шоғырлану – Сенімділік» тақырыбында тренинг өткізілді.
Тренингтің басты мақсаты – оқушылардың өзіне деген сенімін арттыру, ішкі ресурстарын ашу, мақсатқа бағытталған ойлау қабілетін дамыту және жауапты сәттерде эмоциясын басқаруға үйрету болды.
Тренинг барысында мотивациялық жаттығулар, зейінді шоғырландыру тапсырмалары және сенімділікті нығайтатын практикалық жұмыстар ұйымдастырылды. Оқушылар белсенді қатысып, өз ойларын ашық жеткізе білді.
