Lesson Study шығармашылық тобы математика пәнінен сабақты зерттеудін үшінші циклын бастады. Зерттеу тақырыбы «Мәнмәтіндік тапсырмаларды қолдану арқылы, оқушылардың математикалық сауаттылығын дамыту».
Зерттеу сабағын математика пәнінің мұғалімі Еришова Асыл Аубакировна өткізді. Сабақты шығармашылық топ мүшелері пән мұғалімімен бірлесе жоспарлады. 8 «А» сынып алгебра курсының Квадрат теңдеулер тарауының «Мәтінді есептерді шығару» тақырыбына сабақ өтті. Сабақтын негізгі бөлімінде оқушылар топта жұмыс жасады. Қозғалысқа байланысты мәнмәтін тапсырма берілді. Оқушылар есептің шартын бірге талдап, тапсырманың сұрақтарына жауап іздеді. Есептің математикалық моделін құруға көңіл бөліп, жауабына талдаулар жүргізді. Сабақ соңында оқушыдан сауалнама алып, кері байланыс орнатылды.
