2023 жылдың 30 мамыр күні Қостанай облысы әкімдігі білім басқармасының рәсім залында мектебіміздің Республикалық және Халықаралық ғылыми жобалар мен олимпиада жеңімпаздары мен жетекшілерін салтанатты марапаттау рәсімі өтті.
Аталаған іс-шара «Қостанай облысы әкімдігінің білім басқармасы» ММ басшының орынбасары Д. Ж. Сюндикованың алғы сөзімен бастау алды.
Оқушылар Қазақстан Республикасы оқу-ағарту министрлігінің дипломдары мен медальдармен марапатталды. Және ақшалай сертификат пен бағалы сыйлықтарға ие болды.
11 «А» сынып оқушысы Ибжарова Айзат – жалпы білім беретін пәндер бойынша республикалық ғылыми жобалар конкурсы – І орын; жалпы білім беретін пәндер бойынша республикалық олимпиада, қазақ тілі мен қазақ әдебиеті пәні – І орын.
10 «Б» сынып оқушысы Утилиева Айдана – жалпы білім беретін пәндер бойынша республикалық ғылыми жобалар конкурсы – ІІІ орын; жалпы білім беретін пәндер бойынша республикалық олимпиада, орыс тілі пәні – І орын.
10 «А» сынып оқушысы Тасырова Аружан – жалпы білім беретін пәндер бойынша республикалық олимпиада, орыс тілі пәні – ІІ орын.
11 «А» сынып оқушысы Малдыбаева Сымбат – жалпы білім беретін пәндер бойынша республикалық олимпиада, ағылшын тілі пәні – ІІІ орын.
Жетекшілерге Қостанай облысының әкімі Қ.Ақсақаловтан «Алғыс хат» табысталды.
«Ұстазы жақсының – ұстамы жақсы» деп бекер айтылмаса керек, бүгінгі күннің жеңімпаздары мен жетекшілері ерекше қошеметке ие болды.
