24 қаңтар күні қазақ тілі пәні бойынша «Мәнмәтіндік тапсырмаларды қолдану арқылы оқушылардың оқу сауаттылығын
дамыту» мақсатында LS сабақтар тізбегінің жоспарға сай екінші айналымы өтті. Сабақты 8 «А» сыныбында Тасанова Г.М. «Қоршаған орта» тақырыбында өткізді. Сабақтың оқу мақсаты тұтас мәтіндер мен тұтас емес мәтіндерді салыстыру,тұтас емес мәтіндердегі ақпараттардың маңызды тұстарын анықтау болды. Сабақта білім алушылар сабақ мақсаттарына сәйкес топтық ,жұптық ,жеке жұмыс жасады.Өткен сабақта ұсынылған ұсыныс бойынша оқушылар тұтас мәтінді тұтас емес мәтінге айналдырды. Әр тапсырмадан кейін оқушылармен мұғалімнің арасында кері байланыс жасалып, топ жетекшілері бағалау парақтары арқылы оқушылардың білімдері тексерілді.Сабақты бақылаушылар: Нұғыманов А.Қ., Булекбаева Ж.С., Ермағамбетова М.Қ. және мектеп әкімшілігі Тоқтамысова Г.Қ. сабақтан кейін сабақты талқылап, келесі сабаққа ұсыныстарын білдірді.
