Білім сапасының дәстүрлі мәселесі бірінші кезекте барлық бірлестіктердің күн тәртібіне қойылды. ӘБ басшылары І және ІІ тоқсанның нәтижелеріне сыныптар мен пәндер бойынша салыстырмалы талдау жасап, проблемалық бағыттарды анықтап, оларды шешу жолдарын бірлесіп белгіледі.
Келесі кезекте мұғалімдер сандық ресурстар мен жасанды интеллект мүмкіндіктерін сабақта пайдалану тәжірибесімен бөлісті. Салауатты - эстетикалық бағытындағы пәндер мұғалімдерінің ӘБ отырысында дене шынықтыру сабақтарында заманауи технологияларды қолдану мәселелері талқыланды. Қоғамдық-гуманитарлық бағыттағы және математика, физика және информатика бірлестігі мұғалімдері жасанды интеллектті оқу үдерісінде тиімді пайдалану жолдарын қарастырды.
ӘБ отырыстардың соңында мұғалімдер оқушылардың байқаулар, олимпиадалар, сайыстар мен ғылыми жобаларға қатысу нәтижелерін қарастырды.
