2023 жылдың 1 маусым күні мереке аясында Қостанай облысы әкімінің орынбасары Р.З.Мұхаметқалиев оқушыларды Халықаралық балаларды қорғау күнімен құттықтап, Халықаралық ғылыми жобалар мен олимпиада жеңімпаздары мен жетекшілерін көрсеткен жоғары жетістіктері үшін марапаттады.
Біздің мектептен Халықаралық ғылыми жобадан жүлделі орын алған Хасенова Алина дипломмен және ақшалай сыйлыққа ие болса, жетекшісі М.Ж.Зейнуллина мен Алинаның ата-анасы арнайы алғыс хатпен марапатталды.
Мектеп оқушылары мен түлектерді де бүгінгі мерекелерімен құттықтай отырып, жас ұрпақ, жас буын, жасөспірімдеріміз аман болсын демекпіз. Елдің ертеңі болар сол жастарымыз бен балаларымыз! Халықаралық, республикалық дәрежедегі сайыстардан жүлделі орын алып келетін оқушыларымыз көп болсын!
