Қоғамдық-гуманитарлық бағыттағы пәндер бойынша Республикалық олимпиада басталды
3 сәуірде Тараз қаласында қоғамдық-гуманитарлық бағыттағы пәндер бойынша Республикалық олимпиада басталды.
Қоғамдық-гуманитарлық бағыттағы пәндер бойынша олимпиада 3 қалада өтеді: Тараз, Шымкент және Петропавл.
Тараз қаласында олимпиада «Қазақ тілі мен әдебиеті» және «Орыс тілінде оқытатын мектептердегі қазақ тілі» және «Қазақстан тарихы» пәндері бойынша өтті.
Оған Республикалық олимпиаданың облыстық кезеңінің 11 жүлдегері – Қостанай, Рудный ққ., Науырзым, Қамысты аудандары, Ы. Алтынсарин атындағы мамандандырылған мектеп-гимназия-интернаты және дарынды балаларға арналған «Білім-Инновация» лицей-интернатының оқушылары қатысты.
Екі күн ішінде оқушылар қазылар алқасы әзірлеген жазбаша және ауызша тапсырмаларды орындап, тілді меңгеру деңгейін, сөйлеу және жазу дағдыларын көрсетуі тиіс болды.
Облыстың атынан сынға түскен қатысушылар 4 жүлделі орынға ие болды, оның ішінде: 1 - I орын, 1 - II орын, 2 - ІІІ орын.
Олимпиадада жоғары нәтиже көрсеткендерімен құттықтаймыз!
